“Siemens” Rusiya şirkətləri ilə lisenziya sazişini ləğv edir

Bakı. 21 iyul. REPORT.AZ/ Almaniyanın “Siemens” şirkəti elektrik stansiyası üçün avadanlıqların təchizatı ilə bağlı Rusiyadakı tərəfdaşları ilə lisenziya müqaviləsini ləğv edəcək.

“Report” xəbər verir ki, bu barədə “RİA-Novosti” agentliyi şirkətin elanına istinadən xəbər yayıb.

Şirkət Krıma 4 qaz turbininin qanunsuz olaraq daşındığını iddia edir. Buna görə də şirkət onları geri almaq və müqaviləni ləğv etmək istəyir.

Qeyd edək ki, bu il iyulun 11-də “Siemens”in “Rostex” dövlət korporasiyasının mühəndislik üzrə törəməsi “Texnopromeksport” şirkətinin nümayəndələrinə qarşı məhkəmə iddiası qaldırdığı barədə məlumat yayılıb.

.