Səudiyyə Ərəbistanında "Satorp" NEZ-in fəaliyyəti bərpa edilib

Fransanın neft-qaz şirkəti "TotalEnergies" aprelin ortalarında Səudiyyə Ərəbistanındakı "Satorp" neft emalı zavodunun (NEZ) fəaliyyətini bərpa edib.

"Report" xəbər verir ki, bu barədə "Al-Jazeera" telekanalı məlumat yayıb.

Qeyd olunub ki, müəssisə aprelin 8-nə keçən gecə İranın hücumları nəticəsində aldığı zədələrdən sonra fəaliyyətini dayandırmışdı.

Şirkətdən bildirilib ki, hücum nəticəsində zavod ehtiyat tədbiri olaraq fəaliyyətini müvəqqəti dayandırıb. Lakin zədələnməmiş istehsal güclərini yenidən işə salmaq mümkün olub və artıq aprelin 14-dən NEZ sutkada təxminən 230 min barel istehsal gücü ilə işləyir.