Prezident 4 rayonda qazlaşdırılma işlərinə vəsait ayırdı

Energetika

03 mart, 2020
14:28

Prezident 4 rayonda qazlaşdırılma işlərinə vəsait ayırdı

Prezident İlham Əliyev Ağstafa, Gədəbəy, Şəmkir və Tovuz rayonlarında yaşayış məntəqələrinin qazlaşdırılması ilə bağlı əlavə tədbirlər haqqında sərəncam imzalayıb.

"Report"un məlumatına görə, sərəncamla Ağstafa, Gədəbəy, Şəmkir və Tovuz rayonlarında ərazi vahidlərinin, o cümlədən yeni yaşayış massivlərinin qazlaşdırılması işlərinin davam etdirilməsi məqsədilə “Azərbaycan Respublikasının 2020-ci il dövlət büdcəsində dövlət əsaslı vəsait qoyuluşu (investisiya xərcləri) üçün nəzərdə tutulan vəsaitin bölgüsü”nün 1.11.1-ci yarımbəndində göstərilmiş məbləğin 8,19 milyon manatı Azərbaycan Respublikasının Dövlət Neft Şirkətinə ayrılıb.

Sıra №-si	Ərazi vahidləri
	Ağstafa rayonu
1.	Dağ Kəsəmən kəndində yeni massiv
	Gədəbəy rayonu
1.	Arıqıran kəndi
2.	Gərgər kəndi
3.	Qasımlı kəndi
	Şəmkir
1.	Aşağı Çaykənd kəndi
2.	Şəmkir şəhərində 2 yeni massiv
	Tovuz rayonu
1.	Cirdək kəndi
2.	Çatax kəndi