Pərviz Şahbazov: "Naxçıvan üzərindən elektrik enerjisinin ixracı müzakirə edilib"

Azərbaycan energetika naziri Pərviz Şahbazov Naxçıvan rəsmiləri ilə elektrik enerjisinin Naxçıvan Muxtar Respublikası üzərindən ixracını müzakirə edib.

"Report" xəbər verir ki, nazir bu barədə özünün "Twitter" hesabında yazıb:

"Azərbaycan Prezidentinin Naxçıvan Muxtar Respublikasındakı səlahiyyətli nümayəndəsi Fuad Nəcəfli, Baş nazir Səbuhi Məmmədov və Dövlət Energetika Xidmətinin rəisi Namiq Paşayev ilə sənaye miqyaslı "Yaşıl enerji" layihələrinin reallaşdırılması və Naxçıvan üzərindən ixracı perspektivlərinə dair səmərəli müzakirələrimiz oldu", - P. Şahbazov bildirib.