Ötən ay “SOCAR Polymer” ixrac gəlirlərini 65 %-dək artırıb

Energetika

28 fevral, 2022
11:04

Ötən ay “SOCAR Polymer” ixrac gəlirlərini 65 %-dək artırıb

Report.az-ı Google seçilmiş mənbələrinə əlavə edin

Yeniliklərdən dərhal xəbərdar olun!

Bu ilin yanvar ayı ərzində Azərbaycan Dövlət Neft Şirkətinin (SOCAR) 57 %-lik törəməsi “SOCAR Polymer” MMC 24,2 milyon ABŞ dolları dəyərində məhsul ixrac edib.

“Report”un məlumatına görə, bu barədə İqtisadi İslahatların Təhlili və Kommunikasiya Mərkəzinin “İxrac İcmalı”nın fevral sayında bildirilir.

İcmala görə, bu, 2021-ci ilin eyni ayının göstəricisi ilə müqayisədə 9,5 milyon ABŞ dolları və ya 64,6 % çoxdur.

"SOCAR Polymer"in illik istehsal gücü 184 min ton olan Polipropilen Zavodu var. Zavodun açılışı 18 iyun 2018-ci ildə Azərbaycan Prezidenti İlham Əliyev və İtaliya Prezidenti Sercio Mattarellanın iştirakı ilə olub. Həmin il oktyabrın 5-də polipropilenin ixracına başlanılıb.