Neftin qiyməti son 4 ayda ilk dəfə 50 dollardan aşağı düşüb

Bakı. 22 mart. REPORT.AZ/ "Brent" markalı Şimal dəniz neft qatışığının may fyuçerslərinin qiyməti ötən ilin noyabr ayından bu yana ilk dəfə olaraq bir barelə görə 50 dollardan aşağı düşüb.

"Report" xəbər verir ki, bu barədə çərşənbə günü keçirilən elektron hərracların nəticələri deməyə əsas verir.

Bakı vaxtı ilə 18.31-ə olan vəziyyətə görə, "Brent"in qiyməti 2,02 faiz aşağı düşərək bir barel üçün 49,73 dollar təşkil edib.