Azərbaycan mayda OPEC kvotasını 83,6 % istifadə edib

Bu ilin may ayında Azərbaycanda gündəlik neft (kondensatla birlikdə) hasilatı 76 775 ton olub.

"Report"un Energetika Nazirliyinə istinadən verdiyi xəbərə görə, bunun 62 118 tonunu xam neft, 14 657 tonunu kondensat təşkil edib.

Bununla da Azərbaycan OPEC kvotasını 83,65 % istifadə edib.

Qeyd edək ki, “OPEC plus” ölkələri nazirlərinin 36-cı iclasında əldə edilmiş Razılaşmaya görə, 2024-cü il üçün Azərbaycanın hasilat kvotası gündəlik 551 min barel (74 259 ton) təşkil edir.