İtaliyanın “Maire Tecnimont” şirkətinin törəməsi Azərbaycanda filialını bağlayır

İtaliyanın “Maire Tecnimont” şirkətinin törəmə müəssisəsi olan “KT - Kinetics Technology S.p.A.” şirkəti Azərbaycandakı filialını bağlayır.

“Report” bu barədə İqtisadiyyat Nazirliyi yanında Dövlət Vergi Xidmətinin “Vergilər” qəzetinə istinadən xəbər verir.

Ləğvetmə prosesi ilə əlaqədar kreditorlar iki ay ərzində tələblərini “Kinetics Technology S.p.A. Azerbaijan”a bildirə bilərlər.

Xatırladaq ki, “KT - Kinetics Technology S.p.A” Azərbaycanda Heydər Əliyev adına Bakı Neft Emalı Zavodunun modernləşdirilməsi və yenidən qurulması layihəsində iştirak edib.