Gürcüstan neft və qaz idxalını azaldıb

Bu ilin yanvar-oktyabr aylarında Gürcüstan 412,4 milyon ABŞ dolları dəyərində neft və neft yağları idxal edib.

“Report”un yerli bürosu xəbər verir ki, bu barədə Gürcüstanın Milli Statistika İdarəsindən bildirilib.

Məlumata əsasən, bu məhsulların tədarük həcmi illik müqayisədə 33,1% azalıb. Yanvar-oktyabrda neft və neft yağları 6,4% payla qonşu ölkənin III əsas idxal məhsulu olub.

Hesabat dövründə Gürcüstan ümumi dəyəri 219,2 milyon ABŞ dolları olan təbii qaz da tədarük edib. Bu, ötən ilin eyni dövrünə nisbətdə 9,3% azdır. Təbii qaz 3,4% payla qonşu ölkənin idxal məhsulları arasında V yeri tutub.