Gələn il neftin və qazın nəqlindən əldə ediləcək gəlirlər açıqlanıb

Gələn il neftin və qazın Azərbaycan ərazisi ilə ötürülməsindən əldə edilən gəlirlər 13,7 milyon ABŞ dolları və ya 23,29 milyon manat həcmində olması proqnozlaşdırılır

“Report”un məlumatına görə, bu barədə Hesablama Palatasının Azərbaycan Dövlət Neft Fondunun (ARDNF) 2022-ci il üzrə büdcəsinə verdiyi rəydə deyilir.

"Bu, manat ifadəsi ilə 2020-ci ilin müvafiq icra göstəricisindən 2,93 milyon manat və ya 14,4 % çox, 2021-ci ilin proqnoz və gözlənilən icra göstəricilərindən 1,36 milyon manat və ya 6,2 % çoxdur", - Palatanın rəyində bildirilir.

Məlumata əsasən, 2022-ci ildə tranzit haqqı üzrə gəlirlərin artması növbəti il üzrə boru tarifinin inflyasiya faktoru nəzərə alınmaqla artması ilə izah edilir.