"Fitch": SOCAR Türkiyədəki fəaliyyətinə dair yekun investisiya qərarı qəbul edəcək

Azərbaycan Dövlət Neft Şirkəti (SOCAR) 2026-cı ilin sonunadək Türkiyədəki fəaliyyətinin genişləndirilməsi planı üzrə yekun investisiya qərarını qəbul edəcək.

"Report" "Fitch" beynəlxalq reytinq agentliyinə istinadən xəbər verir ki, söhbət şirkət tərəfindən 2025-ci ilin əvvəlində təqdim edilmiş 7 milyard ABŞ dolları dəyərində proqramdan gedir.

"Bu layihə ilə Türkiyədə ölkənin poliolefin idxalından asılılığının azaldılmasına və onun ümumi sənayesinin yüksəldilməsinə yönəlmiş yeni istehsal güclərinin inşası nəzərdə tutulurr", - beynəlxalq reytinq agentliyinin hesabatında vurğulanıb.

Xatırladaq ki, "SOCAR Turkiye Enerji"nin neft emalı və neft-kimya bölməsinin rəhbəri Kənan Mirzəyev bildirmişdi ki, söhbət həm mövcud müəssisələrin gücünün artırılmasından, həm də yeni zavodların inşasından gedir.