Bu il Azərbaycanın magistral qaz kəmərləri ilə 18,7 mlrd. kubmetr qaz nəql edilib

Bakı. 17 noyabr. REPORT.AZ/ Bu ilin yanvar-oktyabr ayları ərzində Azərbaycanın magistral qaz kəmərləri ilə 18 662,1 mln. kubmetr qaz nəql edilib.

“Report”un Dövlət Statistika Komitəsinə istinadən verdiyi məlumata görə, əvvəlki ilin müvafiq dövrünə nisbətən qaz nəqlində 3,9% artım müşahidə olunub.

Qazın nəqlinin 35,5%-i Bakı-Tbilisi-Ərzurum Cənubi Qafqaz boru kəməri vasitəsilə həyata keçirilib və 6 624,4 mln. kubmetr qaz ötürülüb.