Bu il Azərbaycan neft məhsullarının ixracını 2,2 dəfə azaldıb

Bu ilin yanvar-may ayları ərzində Azərbaycan gömrük bəyannamələrinə əsasən, 245 min 287 ton həcmində neft məhsulları ixrac edib.

“Report”un Dövlət Gömrük Komitəsinin statistikasına əsasən verdiyi xəbərə görə, bu həcmdə məhsulun dəyəri 143 milyon 498 min ABŞ dolları təşkil edib.

Bu ilin yanvar-may ayları ərzində ixrac edilən neft məhsullarının həcmi 2021-ci ilin eyni ayları ilə müqayisədə 2,2 dəfə, dəyəri isə 37,8 % azdır.

Yanvar-may aylarlı ərzində neft məhsullarının Azərbaycanın ümumi ixracında payı 0,34 % olub.

Ötən 5 ayda xarici ticarət dövriyyəsinin 15 milyard 416,51 milyon ABŞ dolları ixracın, 5 milyard 135,56 milyon ABŞ dolları isə idxalın payına düşüb. Son 1 ildə ixrac 2,1 dəfə, idxal isə 16,9 % artıb.