BTC ilə neft ixracının həcmi fevralda 3 % azalıb

Bu ilin fevral ayında Bakı-Tbilisi-Ceyhan (BTC) əsas boru kəməri ilə gündəlik neft ixracının həcmi orta hesabla 588 min barel olub.

“Report” xəbər verir ki, bu barədə OPEC-in aylıq hesabatında qeyd olunub.

“Yanvar ayı ilə müqayisədə fevralda BTC ilə ixracın həcmi 3 % və ya 21 min barel azalaraq gündəlik 588 min barel təşkil edib”, - hesabatda bildirilib.

2024-cü ilin fevral ayı ilə müqayisədə bu ilin müvafiq dövründə BTC ilə nəqlin həcmi sutkada 5 % və yaxud 30 min barel azalıb.

Xatırladaq ki, BTC 2006-cı ilin iyulun 13-də istismara verilib. Onun uzunluğu 1 768 km-dir: 443 km Azərbaycan ərazisindən, 249 km Gürcüstan ərazisindən və 1 076 km Türkiyə ərazisindən keçir.