“Brent” nefti bahalaşıb

Bu gün dünya bazarlarında neft əvvəlki sessiyada cüzi artımdan sonra bahalaşıb.

"Report"un "İnterfaks"a istinadən verdiyi xəbərə görə, Londonun “ICE Futures” birjasında “Brent” markalı neftin oktyabr fyuçersləri 1 barel üçün 0,27 ABŞ dolları (0,35 %) bahalaşaraq 76,75 ABŞ dolları təşkil edib.

Nyu-Yorkun NYMEX əmtəə birjasında keçirilən elektron ticarət əməliyyatlarının gedişində "WTI" markalı neftin sentyabr fyuçersləri isə bir barel üçün 0,3 ABŞ dolları (0,41 %) bahalaşaraq 73,5 ABŞ dolları olub.

Çin və ABŞ iqtisadiyyatının zəifləməsi ilə bağlı daxil olan siqnalları nəzərə alaraq treyderlərin neftə olan tələb perspektivləri ilə bağlı narahatlıqları fonunda neft bazarına təzyiq davam edir.