“Azəristiliktəchizat”ın rəhbəri Biləsuvarda vətəndaşları qəbul edəcək

Sentyabrın 22-də saat 10:00-da “Azəristiliktəchizat” ASC-nin sədrinin vəzifələrini müvəqqəti icra edən İlham Mirzəliyev Biləsuvar rayonunda Biləsuvar, Cəlilabad və Cəbrayıl sakinləri üçün vətəndaş qəbulu keçirəcək.

Bu barədə "Report"a qurumdan məlumat verilib.

Bildirilib ki, qəbulda istilik və isti su təchizatı ilə bağlı vətəndaşları maraqlandıran suallar cavablandırılacaq, istilik təchizatına dair sakinlərin problemləri dinləniləcək.

Qəbul Biləsuvar rayonu, Heydər Əliyev Mərkəzində (Mübariz İbrahimov küçəsi N 213) keçiriləcək.