“Azəriqaz”ın baş direktoru şimal bölgəsində vətəndaşları dinləyib - VİDEO

Bu gün Azərbaycan Dövlət Neft Şirkətinin (SOCAR) “Azəriqaz” İstehsalat Birliyinin Baş direktoru Əkbər Hacıyev Xaçmaz şəhərində şimal bölgəsindən olan vətəndaşları qəbul edib.

“Azəriqaz”dan “Report”a verilən məlumata görə, Xaçmaz Regional Qaz İstismar İdarəsinin inzibati binasında keçirilən qəbul zamanı Xaçmaz, Siyəzən, Şabran və Xızı rayon sakinlərinin müraciətlərinə baxılıb.

Vətəndaşların müraciətlərinin əksəriyyəti yaşayış məntəqələrinin qazlaşdırılması, işə qəbul, qaz xətlərinin yerinin dəyişdirilməsi və müxtəlif məsələlərlə bağlı olub.

Bildirilib ki, Ə.Hacıyev hər bir vətəndaşın müraciətini diqqətlə dinləyib və qaldırılan məsələlərin qanunvericiliyə uyğun həlli barədə müvafiq strukturların rəhbərlərinə tapşırıqlar verib.

Vətəndaşların qəbul zamanı qaldırdıqları məsələlərin bir qismi yerindəcə həll olunub. Birliyin səlahiyyətlərinə aid olmayan məsələlərlə bağlı müraciətlər isə müvafiq orqanlara çatdırılmaq üçün qeydiyyata alınıb və nəzarətə götürülüb.

“Azəriqaz”ın baş direktoru şimal bölgəsində vətəndaşları dinləyib - VİDEO