"Azəriqaz”: "Abunəçilərin qohumluq əlaqələrini təftiş etmək niyyətimiz yoxdur"

Kütləvi informasiya vasitələrində Azərbaycan Dövlət Neft Şirkətinin (SOCAR) “Azəriqaz” İstehsalat Birliyinin istixana sahibi arasında məhkəmə prosesi ilə bağlı məlumatlar dərc olunur.

“Report” xəbər verir ki, bu barədə qurumun açıqlamasında bildirilir.

"Bu prosesdə qarşı tərəfin kimliyi məsələnin mahiyyətindən daha çox qabardılır. "Azəriqaz" bildirir ki, məhkəmə predmeti olan mübahisələrdə abonentlərin məxfiliyi birmənalı qorunur: İstehsalat Birliyinin abunəçilərin qohumluq əlaqələrini təftiş etmək niyyəti və məqsədi yoxdur. Çünki şəxslərin kimliyi hansısa tərəfə əlahiddə üstünlük vermir. İstənilən mübahisələr məhkəmələrin çıxardığı qərarla tənzimlənir”, - deyə qurum bəyan edib.