Azərbaycanda qaz istehlakı 8 %-dən çox artıb

2021-ci ildə Azərbaycanda 13 milyard kubmetrə yaxın təbii qaz istehlak olunub.

Bu barədə “Report” SOCAR-ın ötənilki əsas istehsalat göstəricilərinə istinadən xəbər verir.

Məlumata görə, bu, 2020-ci illə müqayisədə 8,4 % çoxdur.

"Ötən il ölkə üzrə qazlaşdırma səviyyəsinin 96,2 %-dən 96,3 %-ə çatdırılması, habelə karbamid gübrəsinin istehsal həcminin təqribən 3 dəfə yüksəldilməsi istehlak göstəricilərinin artımına təsir göstərən əsas amillərdir", - deyə şirkət bəyan edib.

SOCAR təbii qazdan xammal kimi istifadə edərək, metanol və karbamid gübrəsi istehsal etməklə, onun əlavə dəyərini bir neçə dəfə artırır.