Azərbaycanda günəş elektrik stansiyalarında enerji istehsalı 8 %-dən çox artıb

Bu ilin yanvar-fevral aylarında Azərbaycanda istilik elektrik stansiyalarında 4 milyard 354,3 milyon kVt/saat elektrik enerjisi istehsal edilib.

Bu barədə “Report” Energetika Nazirliyinin açıqladığı elektrik enerjisi göstəriciləri ilə bağlı operativ məlumatlarında deyilir.

Bu, 2024-cü ilin eyni dövrü ilə müqayisədə 38,1 milyon kVt/saat və ya 0,9 % çoxdur.

Hesabat dövründə su elektrik stansiyalarında 411,7 milyon kVt/saat (+ 53,4 %), digər mənbələr üzrə isə 98,8 milyon kVt/saat (- 3,04 %) elektrik enerjisi istehsal edilib.

Bu dövrdə külək elektrik stansiyalarında 5,8 milyon kVt/saat (- 38,9 %), günəş elektrik stansiyalarında 54,9 milyon kVt/saat (+ 8,3 %) elektrik enerjisi istehsal edilib.

Bərk Məişət Tullantılarının Yandırılması Zavodunda isə 38,1 milyon kVt/saat elektrik enerjisi istehsal edilib ki, bu da 2024-cü ilin yanvar-fevral ayları ilə müqayisədə 3,6 milyon kVt/saat və ya 8,6 % azdır.