Azərbaycana iki ölkədən kerosin idxalı bərpa edilib

Bu ilin yanvar-fevral aylarında Azərbaycan xaricdən 4 milyon ABŞ dolları dəyərində 2 min 246 ton kerosin yanacağı (reaktiv mühərriklər üçün kerosin yanacağı istisna olmaqla) alıb.

“Report”un Dövlət Statistika Komitəsinin məlumatları əsasında apardığı hesablamalara əsasən, bu, 2022-ci ilin eyni dövrünün göstəricisindən dəyər ifadəsində 96 %, kəmiyyət olaraq – 49,4 % çoxdur.

Hesabat dövründə Azərbaycan Belçikadan 2,6 milyon ABŞ dolları dəyərində 1 min 500 ton (bir il əvvəl tədarük olmayıb), Türkiyədən 1,4 milyon ABŞ dolları dəyərində (bir il əvvəlki göstəricidən 554 dəfə çoxdur) 734,7 ton (+1790 dəfə), Amerika Birləşmiş Ştatlarından 22,2 min ABŞ dolları dəyərində 7,1 ton (bir il əvvəl tədarük olmayıb), Polşadan 11,3 min ABŞ dolları dəyərində 2 ton, Böyük Britaniyadan 6,5 min ABŞ dolları dəyərində 2,2 ton kerosin yanacağı gətirib.

On bir il 1 aylıq fasilənin ardından Norveçdən (0,1 min ABŞ dolları dəyərində 0,01 ton) və 1 il 10 aylıq aradan sonra Polşadan tədarük bərpa edilib.