Azərbaycan İraqdan neft bitumunun alışını bərpa edib

Ötən ilin yanvar-oktyabr aylarında Azərbaycan 220,35 min ABŞ dolları dəyərində 1 191 ton neft bitumu ixrac edib.

"Report”un Dövlət Statistika Komitəsinin məlumatları əsasında apardığı hesablamalarına əsasən, bu, 2023-cü ilin eyni dövrünün göstəricisindən dəyər ifadəsində 46 %, kəmiyyət olaraq – 28 % azdır.

Hesabat dövründə Azərbaycan neft bitumunu ancaq Gürcüstana satıb.

2024-cü ilin 10 ayında Azərbaycana xaricdən 38,2 min ABŞ dolları dəyərində (+9 %) 121,2 ton (-21 %) neft bitumu gətirilib.

Azərbaycan İraqdan 30,95 min ABŞ dolları dəyərində 98,06 ton və Rusiyadan 7,25 min ABŞ dolları dəyərində (bir il əvvəlki göstəricidən 76 % azdır) 23,14 ton (-82 %) məhsul alıb.

Azərbaycan 3 il 8 aylıq fasilənin ardından İraqdan tədarükü bərpa edib.