Azərbaycan 15 mln tona yaxın neft ixrac edib

Bu ilin birinci yarımilində Azərbaycandan 14,7 mln ton neft (kondensatla birlikdə) ixraca nəql olunub.

“Report” xəbər verir ki, bu barədə Azərbaycan Energetika Nazirliyinin məlumatında qeyd edilib.

Bu 2019-cu ilin yanvar-iyun aylarına nisbətən, təxminən, 900 min ton, yəni 5,9 faiz azdır. Neft-kondensatın 14,1 mln tonu konsorsium, 0,6 mln tonu isə SOCAR üzrə ixraca nəql edilib. Konsoriumun ixrac etdiyi həcm ümumi ixracın 96%-ni, SOCAR-ın ixrac etdiyi 4%-ni təşkil edib.