Avropada qazın qiyməti 4 % artıb

Avropanın fyuçers bazarında qazın qiyməti 4 % artıb.

“Report” “Prime” agentliyinə istinadən xəbər verir ki, Avropanın ən likvid habı olan TTF-də (Niderland) qazın oktyabr fyuçerslərinin qiyməti 1 000 kubmetr üçün 797 ABŞ dollarına çatıb.

Hazırda Avropanın fyuçers bazarında qazın qiyməti kifayət qədər volatildir. Belə ki, dünənki ticarət sessiyasında qazın 1 000 kubmetrinin qiyməti 850 ABŞ dollarını ötsə də sessiyanın sonunda 764 ABŞ dollarınadək düşüb. Sentyabrın 15-i isə qiymətlər rekord 963,9 ABŞ dollarınadək yüksələ bilib.