Sabah Abşeron rayonunun və Sumqayıt şəhərinin bir hissəsində elektrik enerjisi kəsiləcək

Bakı. 8 yanvar. REPORT.AZ/ Sabah saat 10:00-dan 14:30-a qədər Abşeron rayonunun Mehdiabad və Saray qəsəbələrinin bəzi ərazilərində, Qurd Dərəsi, Corat bağlarında elektrik enerjisinin verilişində qısa müddətli fasilələr yaranacaq. 

Bu barədə “Report”a “Azərişıq” ASC-nin Mətbuat xidmətinin rəhbəri Tanrıverdi Mustafayev məlumat verib. 

Onun sözlərinə görə, fasilə Bağlar Enerji Təchizati və Satiş İdarəsində (ETSİ) 35/6 kV-luq 91 saylı yarımstansiyadan çıxan Mehdiabad-1,2 EVX-də və 35/6 kV-luq 143 saylı yarımstansiyada aparılan təmir işləri ilə əlaqədardır.

"Azərişıq" rəsmisi yaranacaq narahatlığa görə istehlakçılardan üzr istəyib. 

Qeyd edək ki, Abşeron rayonunda elektrik enerjisi təchizatı ilə bağlı problemlər mütəmadi yaranır.