Təhsil Nazirliyinin işçi qrupu növbəti diaqnostik qiymətləndirilmə ilə bağlı rayonlarda səfərdədir

Bakı. 25 oktyabr. REPORT.AZ/ “Təhsil Nazirliyinin işçi qrupu gələn ay Azərbaycanın 26 rayonunda keçirilməsi nəzərdə tutulan müəllimlərin diaqnostik qiymətləndirilməsi ilə bağlı rayonlarda səfərdədir”.

“Report”un xəbərinə görə, bunu təhsil nazirinin müavini Ceyhun Bayramov deyib.

O bildirib ki, qiymətləndirmənin keçiriləcəyi rayonlarda müəllimlərə prosedurlar izah edilir: “Təbii ki, bu izahatlar verilərkən ötən illərin təcrübəsi də nəzərə alınacaq”.

Nazir müavini qeyd edib ki, növbəti diaqnostik qiymətləndirmədən sonra əməkhaqqısı artırılan müəllimlərin sayının 100 minə çatacağı nəzərdə tutulur.