Plyaj, svetofor, yubka sözləri orfoqrafiya lüğətindən çıxarılıb

“Azərbaycan dilini orfoqrafiya lüğəti”nin 2013-cü il nəşrində eyni sözün tez-tez nəzərə çarpan sinonimlərinin verilməsi halları yeni nəşrdə aradan qaldırılıb.

“Report” xəbər verir ki, bu barədə AMEA Nəsimi adına Dilçilik İnstitutunun direktoru, akademik Möhsün Nağısoylu orfoqrafiya lüğətinin "Ön söz" bölməsində qeyd edib.

"Məsələn, dildə işlənmək vəziyyəti nəzərə alınmaqla əvvəlki lüğətə daxil edilmiş kvorum-yetərsay, plyaj-çimərlik, svetofor-işıqfor, vzvod-taqım, yubka-ətək və s. kimi sinonim sözlərdən yalnız ikincilər yeni lüğətdə saxlanılıb", - akademik bildirib.