PISA 2025-in nəticələri sentyabrın 8-də açıqlanacaq

PISA 2025 tədqiqatının nəticələri 8 sentyabr 2026-cı il tarixində açıqlanacaq.

"Report" xəbər verir ki, bunu Təhsil İnstitutunun direktor səlahiyyətlərini müvəqqəti icra edən, elm və təhsil nazirinin müşaviri Elnur Əliyev PISA beynəlxalq qiymətləndirmə tədqiqatı ilə bağlı məlumatlandırma görüşündə deyib.

O bildirib ki, Azərbaycan 2029-cu ildə keçiriləcək növbəti PISA beynəlxalq qiymətləndirmə tədqiqatında da iştirak edəcək: "Azərbaycanın PISA-2029-da iştirakı ilə bağlı artıq müvafiq müqavilə bağlanıb və rəsmi müraciət edilib. 2025-ci ildə keçirilən PISA tədqiqatında 91 ölkə iştirak edib. 2029-cu ildə isə iştirakçıların sayının təxminən 100-ə çatacağı gözlənilir".

Qeyd edək ki, PISA 15 yaşlı şagirdlərin məktəbdə qazandıqları bilik və bacarıqları gündəlik həyatda, eləcə də gələcək təhsil və əmək fəaliyyətində tətbiq etmək qabiliyyətini qiymətləndirən beynəlxalq tədqiqatdır.