Nazirlik: Bütün şərtləri yerinə yetirən tələbələr yekun imtahandan azad edilmiş sayılır

“Xüsusi qabiliyyət ixtisası üzrə qiymətləndirmənin aparılması vacibdir. Tələbənin yekun biliyi onun bacarıq və vərdişləri əsasında müəyyən ediləcək”.

“Report” xəbər verir ki, bunu Təhsil Nazirliyinin Elm, ali və orta ixtisas təhsili şöbəsinin müdiri Nicat Məmmədli deyib.

Nazirlik rəsmisi qeyd edib ki, bakalavr səviyyəsi üzrə dövlət imtahanı, demək olar ki, ənənəvi qaydada keçiriləcək: “Təhsil dövründə bütün şərtləri yerinə yetirən tələbələr yekun imtahandan azad edilmiş hesab edilir. Bu qərar özəl ali təhsil müəssisələrinə də aiddir”.