Layihələri İdarəetmə Məktəbində kursun qiyməti 9 min dollara yaxındır

Bakı. 16 mart. REPORT.AZ/ "Bu məktəbdə kursun qiyməti 9 min ABŞ dollarına yaxındır. "BP Azerbaijan"a təşəkkür edirik ki, bu maliyyənin yarısını onlar ödəyir". "Report" xəbər verir ki, bunu Layihələri İdarəetmə Məktəbinin yenidən açılışı tədbirində çıxış edən Bakı Ali Neft Məktəbinin rektoru Elmar Qasımov deyib.

E.Qasımovun sözlərinə görə, onlar dəfələrlə belə layihələrin Azərbaycana gətirilməsinə cəhd ediblər, lakin bu, alınmayıb: "Biz yerli tərəfdaşların köməyi ilə bu məktəbi Bakıya gətirməyə nail olduq və bu işi tərəfdaşlarsız görmək mümkün deyil. Bizim isə daimi tərəfdaşlarımız BP, SOCAR-dır. "BP Azerbaijan" ölkəyə müasir laboratoriyaları və bu laboratoriyalardan istifadə etmə mədəniyyətini gətirib".