ADNSU-da əməkhaqları artırılıb

Bakı. 27 aprel. REPORT.AZ/ Azərbaycan Dövlət Neft və Sənaye Universitetinin (ADNSU) rektoru, professor Mustafa Babanlının əmrinə əsasən, bu ali məktəbdə bir sıra işçilərin əməkhaqları artırılıb.

Bu barədə “Report”a ADNSU-nun mətbuat xidmətindən məlumat verilib.

Əmək haqqlarının artırılması Nazirlər Kabinetinin “Dövlət büdcəsindən maliyyələşdirilən ali təhsil müəssisələrində çalışan işçilərin yeni vəzifə maaşlarının və vəzifə maaşlarına əlavələrin təsdiq edilməsi haqqında” (244 saylı, 22.10.2012-ci il tarixli) qərarına əsasən, daxili resurslar hesabına həyata keçirilib.

Budəfəki artım texniki işçilərin, tədris köməkçi heyətin, təsərrüfat və elmi işçilərin əməkhaqlarında müşahidə olunur.