Dövlət katibi: "Azərbaycan geosiyasi gərginlikdə iqlim siyasətinə dair məntiqli proqram hazırlayıb"

Azərbaycanın COP29 sammitində səmərəli və uğurlu sədrliyi iqlim siyasəti sahəsində qlobal davamlılığa mühüm töhfə verib.

"Report" xəbər verir ki, bunu BMT Baş Assambleyasının 77-ci sessiyasının Prezidenti və Macarıstan Prezidentinin Aparatının direktoru (dövlət katibi) Csaba Kőrösi "Bakı İqlim Fəaliyyəti Həftəsi"ndə bildirib.

O qeyd edib ki, dünyada iqlim siyasəti ilə bağlı çətinliklərə baxmayaraq, Azərbaycan hətta geosiyasi gərginliklər dövründə belə iqlim və davamlılıq siyasətlərini, həmçinin bazarları əhatə edən məntiqli bir proqram hazırlamağın mümkün olduğunu nümayiş etdirib. Csaba Kőrösi əlavə edib ki, COP29 həm hazırlıq, həm də icra baxımından nümunəvi olub.