Çimərliyə gedənlərə ehtiyatlı olmaq tövsiyə edilir

Abşeron çimərliklərində gözlənilən hava şəraiti ilə bağlı Milli Hidrometeorologiya Xidmətinin Hidrometeoroloji Proqnozlar Bürosu əhalini ehtiyatlı olmağa çağırıb.

Bürodan "Report"a bildirilib ki, şimal-qərb küləyinin arabir güclənəcəyi gözlənilir.

Dəniz suyunun temperaturu: Şimal çimərliklərində: (Sumqayıt, Novxanı, Pirşağı, Nardaran, Bilgəh, Zaqulba) 23-24° isti, Cənub çimərliklərində: (Türkan, Hövsan, Sahil, Şıx) 24-25° isti olacaq.