Bakıda kiçik ağacların kəsilməsi də cinayət məsuliyyəti yarada bilər

“Ağacların qanunsuz kəsilməsinə görə nırx dəyərinin artırılması ilə bağlı yeni qərar hazırlanıb. Qərar artıq müvafiq orqanlarla da razılaşdırılıb”.

“Report” xəbər verir ki, bunu Dövlət Ekoloji Təhlükəsizlik Xidmətinin rəisi Hikmət Əlizadə deyib.

H.Əlizadə bildirib ki, layihə yaxın vaxtlarda hökumətə təqdim ediləcək:

“Gələn ilin I rübündə yeni nırx dəyərlərinin təsdiq ediləcəyi gözlənilir. Bununla da qanunsuz meşə materiallarından istifadə və ağacların kəsimi üçün şəxslər böyük məbləğdə cərimə ediləcək. Bu gün üçün mövcud olan nırx dəyərləri orta səviyyədən yuxarıdır. Misal olaraq, Bakıda 30-40 sm ağacın kəsilməsi cinayət məsuliyyətinə səbəb ola bilər”.