Badamdarda sürüşmə davam edir

"Badamdardakı sürüşmə ilə bağlı monitorinqlər tərəfimizdən davam etdirilir. Proseslərin dinamikasında zəifləmə qeyd edilsə də, tam qərarlaşma mövcud deyil".

“Report” xəbər verir ki, bunu Ekologiya və Təbii Sərvətlər Nazirliyinin Geoloji Kəşfiyyat Xidmətinin rəisi Əli Əliyev “Ekspert saatı”nda deyib.

Onun sözlərinə görə, son günlər yağışlı hava şəraiti süxurların kolloidləşməsinə şərait yaradıb:

“Eyni zamanda mərkəzi süxur kütləsinin axması zamanı sağ və sol cinahlarında qismən asılı süxur kütlələrinin yaranmasına səbəb olub. Bu da nəmişlik dərəcəsindən asılı olaraq dayanıqlılığı itirmiş sayılar. Proseslərin qərarlaşmasını gözləyirik ki, qısa zamanda orada bərpa işlərinə başlayaq. Həm də yamacboyu su çıxan mənbələr ləğv ediləcək”.