Amin Məmmədov: Suyönümlü şəhər planlaşdırılmasına kəskin ehtiyac var

Suyönümlü şəhər planlaşdırılmasına kəskin ehtiyac var.

"Report" xəbər verir ki, bu barədə Azərbaycanın Ekologiya və Təbii Sərvətlər Nazirliyi yanında İctimai Şuranın sədri Amin Məmmədov Bakıda WUF13 çərçivəsində keçirilən tədbirdə bildirib.

Onun sözlərinə görə, dünyanın iqlim dəyişikliyi və onun qlobal, regional və milli səviyyələrdə su ehtiyatlarına təsiri ilə bağlı artan çağırışlarla üzləşdiyi şəraitdə şəhər inkişafında su idarəçiliyi məsələləri xüsusi aktuallıq kəsb edir:

"Suyönümlü şəhər planlaması məsələlərində kompleks yanaşma zəruridir. Urbanistlər və memarlarla yanaşı, qabaqcıl dünya təcrübələrinə malik olan və səmərəli həllər təklif edə bilən mühəndislər və mütəxəssislər prosesə fəal şəkildə cəlb edilməlidir".