YPG Suriyada terror aktı törədib

Suriyanın şimalındakı Tall-Abəd şəhərində törədilən terror aktı nəticəsində dörd dinc sakin xəsarət alıb.

“Report” xəbər verir ki, bu barədə “Anаdolu” agentliyi məlumat yayıb.

Məlumata görə, terrorçular şəhərin cənub-şərqindəki Suluk yaşayış məntəqəsinin mərkəzində minalanmış motosikleti partladıblar.

Hadisə yerinə təhlükəsizlik qüvvələrinin əməkdaşları gəlib.

Güman edilir ki, hücumun arxasında PKK terror təşkilatının Suriya qanadı YPG dayanır.

Təll-Abəd ərazisi PKK terrorçularının Suriya qanadının silahlılarından 13 oktyabr 2019-cu ildə "Barış pınarı" əməliyyatı çərçivəsində təmizlənilib.