Yaponiyada zəlzələ nəticəsində xəsarət alanların sayı artıb

Yaponiyanın cənub-qərbində baş verən 6,6 bal gücündə zəlzələ zamanı xəsarət alanların sayı 9 nəfərə çatıb.

“Report” xəbər verir ki, bu barədə ölkənin Meteorologiya Agentliyi (JMA) məlumat yayıb.

Qeyd edilir ki, yeraltı təkanlar yerli vaxtla saat 01.08-də Küsü sahillərində qeydə alınıb. Zəlzələ ocağı Hüqa Nada dənizinin dibində, 45 km dərinlikdə yerləşib.

Yeraltı təkanlar Oita, Miyazaki, Koçi və Kumamoto prefekturalarında hiss olunub.

Xəsarət alanların beşi Oita, dördü Miyazaki sakinləridir.

Təbii hadisə ilə əlaqədar bir sıra şəhərlərdə elektrik enerjisi və içməli suyun verilməsində fasilələr yaranıb.