Yaponiyada leysan səbəbindən 1,7 milyon insanın təxliyəsinə qərar verilib

Yaponiyada şiddətli leysan yağışlarına görə ölkənin 4 prefekturasında əhalinin təxliyəsi ilə bağlı qərar elan olunub.

“Report” NHK telekanalına istinadən xəbər verir ki, qərar Yaponiyanın cənub-qərbindəki Fukuoka, Saqa, Naqasaki və Xirosima prefekturalarının yerli administrasiyaları tərəfindən verilib.

Ümumilikdə 1,7 milyon insanın təcili şəkildə evakuasiyası nəzərdə tutulub. Son iki sutkada bölgəyə 500-800 millimetr yağıntı yağıb.