Yaponiyada iki F-35 təcili eniş edib

Yaponiya Hərbi Hava Qüvvələrinə məxsus iki beşinci nəsil F-35A qırıcısı Aomori prefekturasının hava limanına təcili eniş edib.

“Report” xəbər verir ki, bu barədə Kyodo agentliyi məlumat yayıb.

Belə ki, məcburi enişin səbəbi təyyarənin elektronikasında yaranan problemlər olub. Hazırda ölən və yaralananlar barədə məlumat yoxdur.

Hadisə ilə əlaqədar hava limanının uçuş-enmə zolağı bağlanıb, araşdırma aparılır.

F-35 Lightning II, Lockheed Martin tərəfindən üç variantda hazırlanmış beşinci nəsil gizli, çoxməqsədli döyüş təyyarələrindən biridir.