Xəzəryanı əməkdaşlıq üzrə komissiyanın iclası dekabrın 8-də keçiriləcək

Xəzəryanı əməkdaşlıq üzrə idarələrarası komissiyanın beşinci iclası dekabrın 8-də keçiriləcək.

"Report"un "İnterfaks"a istinadən məlumatına görə, bunu Rusiya Xarici İşlər Nazirliyinin nümayəndəsi Mariya Zaxarova bildirib.

"Dekabrın 8-də Rusiyanın xarici işlər naziri Sergey Lavrovun sədrliyi ilə Xəzəryanı əməkdaşlıq üzrə idarələrarası komissiyanın beşinci iclası keçiriləcək," - o bildirib.

M.Zaxarovanın sözlərinə görə, Xəzəryanı əməkdaşlığın aktual məsələlərinin, o cümlədən yeddinci Xəzər sammitinə hazırlıqla bağlı məsələlərin müzakirəsi planlaşdırılır.