Vuçiç: Serbiyanın dağılmasına bir neçə ölkənin məxfi xidmətləri 4 milyard dollar xərcləyib

Serbiyadakı etirazları bir neçə ölkənin xüsusi xidmət orqanları maliyyələşdirir, buna 4 milyard dollar xərclənib.

"Report" xəbər verir ki, bunu Serbiya Prezidenti Aleksandar Vuçiç deyib.

O, susmağa məcbur olduğunu izah edib, çünki bu, etirazların mümkün müştərilərinə münasibətdə Serbiyanın neytrallığını pozacaq:

"Dövlətin dağılmasına 4 milyard dollar xərclənib. Rəngli inqilabların əsas təşkilatçısı kənardan gəlir. Bunlar müxtəlif xüsusi xidmət orqanlarının əməkdaşlarıdır, bunu bir neçə ölkədən edirlər. Bu ölkələr bilirlər ki, biz onların nə etdiklərinin fərqindəyik".