Venesuelada partlayış zamanı 30-dan çox insan xəsarət alıb

Venesuelanın şimal-şərqindəki Monaqas ştatının Kano-de-los-Beserros yaşayış məntəqəsində partlayış olub.

“Report” xəbər verir ki, bu barədə "El Nacional" qəzeti bildirib.

Məlumata görə, yük maşınında yerləşdirilən qaz balonları partlayıb. Hadisə nəticəsində 30-dan çox insan yanıq xəsarətləri alıb. Zərərçəkənlər yerli xəstəxanaya çatdırılıb.

Qeyd edilir ki, partlayış insanlar yanan avtomobildən qaz balonlarını çıxarmağa çalışdıqları vaxt olub.

Polis hadisənin başvermə səbəbini araşdırır.