Venesuela mayeləşdirilmiş neft qazının ilk partiyasını ixrac edib

Venesuela ilk mayeləşdirilmiş neft qazı partiyasını ixrac edib.

"Report" xəbər verir ki, bu barədə ölkə prezidentinin vəzifəsini icra edən Delsi Rodriqes özünün "Telegram" kanalında məlumat paylaşıb.

"Bu hadisəni qürurla paylaşıram: ilk mayeləşdirilmiş neft qazı yükünü daşıyan "Chrysopigi Lady" tankeri Venesueladan yola düşüb", - deyə o, tədarükün həcmini dəqiqləşdirmədən yazıb.

Rodriqes bu hadisəni işçi sinfi ilə birlikdə qeyd etdiyini bildirib. O, mayeləşdirilmiş qaz ixracının Venesuela xalqının rifahını yaxşılaşdıracağına əminliyini ifadə edib.