Ukrayna dəniz dronları ilə Yaltaya zərbə endirib

Ukrayna avqustun 7-si gündüz saatlarında işğal altındakı Yaltaya dəniz pilotsuz aparatları ilə hücum edib, bundan sonra şəhərin sahilboyu ərazisində güclü yanğın baş verib.

Bu barədə "Report" "RBK-Ukrayna"ya istinadən xəbər verir.

Şahidlərin məlumatına görə, liman ərazisində atəş səsləri eşidilib. Bundan sonra sahilboyu ərazidə güclü yanğın başlayıb.

"Partlayış olmayıb. Bu, mobil atəş qruplarının fəaliyyətinin nəticəsi ola bilər", - məlumatda bildirilir.

Daha əvvəl şəhər sakinləri və qonaqlarına heyətsiz katerlərin hücum təhlükəsi barədə xəbərdarlıq edilib, bundan sonra insanların çimərliklərdən və sahilboyu ərazidən təcili təxliyəsi təşkil olunub.