Ukrayna daha 83 nəfəri Əfqanıstandan təxliyə edib

Ukraynanın hərbi nəqliyyat təyyarəsi Əfqanıstanın paytaxtı Kabildən təxliyə edilən 83 nəfəri Kiyevə çatdırıb.

“Report” “Anadolu” agentliyinə istinadən xəbər verir ki, bu barədə Ukrayna prezidenti Vladimir Zelenski tvitterdə bildirib.

Qeyd edilir ki, onlar arasında 31 nəfər ukraynalı da var.

Prezidentin sözlərinə görə, Ukrayna öz vətəndaşlarının Əfqanıstandan təxliyəsini davam etdirir.

Daha əvvəl, avqustun 16-da Ukrayna 80 nəfərin Əfqanıstandan təxliyəsi haqqında bildirib. Onlardan 8-i Ukrayna vətəndaşlarıdır.