Tramp: Razılaşma olmadan İranla atəşkəsin uzadılması ehtimalı azdır

ABŞ Prezidenti Donald Tramp bildirib ki, müddət bitənədək razılaşma əldə olunmasa, İranla iki həftəlik atəşkəs rejiminin uzadılması ehtimalı azdır.

"Report" xəbər verir ki, bu barədə o "Bloomberg"ə bildirib.

Onun sözlərinə görə, tərəflər arasında razılaşma əldə olunana qədər Hörmüz boğazı blokadada qalacaq.

Daha əvvəl Tramp bildirib ki, vitse-prezident Cey Di Vensin rəhbərlik etdiyi ABŞ nümayəndə heyəti çərşənbə axşamı keçiriləcək İranla danışıqlarda iştirak etmək üçün Pakistana yola düşüb.