Tramp: Makron həmişə hər şeyi səhv başa düşür

Fransa prezidenti Emmanuel Makron amerikalı həmkarı Donald Trampın Kanadadan ABŞ-yə qayıtmasının səbəbini bilmir.

“Report” xəbər verir ki, Tramp bu barədə “Truth Social” şəbəkəsində yazıb.

"Diqqət çəkməyə çalışan şəxs səhvən bildirib ki, mən G7 sammitini Vaşinqtona qayıdıraq İsrail və İran arasında "atəşkəs" üzərində işləmək üçün tərk etmişəm. Bu, doğru deyil! O, mənim Vaşinqtona niyə getdiyimi bilmir, amma bunun, əlbəttə ki, atəşkəslə heç bir əlaqəsi yoxdur. Məsələ daha ciddidir. Emmanuel həmişə hər şeyi səhv başa düşür", - o qeyd edib.

Daha əvvəl verilən məlumata görə, G7 sammitində iştirak etmək üçün Kanadada olan ABŞ-nin dövlət katibi Marko Rubio da ölkəni vaxtından əvvəl tərk edərək ABŞ-yə qayıdacaq.