Tramp İranın uranın zənginləşdirilməsini dayandırmağa razı olduğunu iddia edib

İran ABŞ ilə aralıq danışıqları gedişində hətta dinc məqsədlər üçün belə uranı zənginləşdirməməyə razılaşıb.

"Report" xəbər verir ki, Amerika Prezidenti Donald Tramp Uest Palm-Biç (Florida ştatı) Hava Limanında jurnalistlərlə söhbətində belə bir iddia ilə çıxış edib.

O vurğulayıb ki, Tehran və Vaşinqton 15 bənd üzrə razılığa gəlib.

"Onlar heç vaxt nüvə silahı əldə etməyəcəklər, bu, bir nömrəli bənddir. Onlar buna razılaşıblar", - Tramp deyib.

Daha əvvəl ABŞ Prezidenti İranla yeni danışıqlar raundunun keçiriləcəyini anons etmişdi.