Tramp: ABŞ İranın zənginləşdirilmiş uranını ələ keçirməyə tələsməyəcək

Amerika Prezidenti Donald Tramp bildirib ki, ABŞ İranın yüksək zənginləşdirilmiş nüvə yanacağı ehtiyatını almağa tələsməyəcək.

"Report"un məlumatına görə, o, bu barədə "The Wall Street Journal" qəzetinə müsahibəsində deyib.

"Nüvə tozu ilə daha sonra, hazır olduqda məşğul olacağıq. Deyərdim ki, növbəti bir-iki ay ərzində. Tələsməyə ehtiyac yoxdur", - Ağ Ev rəhbəri qeyd edib.

Tramp daha əvvəl ABŞ və İranın müqavilə bağladığını açıqlayıb. O, həmçinin dəniz blokadasının ləğvi əmrini verib və Hörmüz boğazında azad gəmiçiliyin bərpa olunduğunu elan edib.